Во Токио викендов средба на министрите за надворешни работи на Јужна Кореја, Кина и Јапонија
Министрите за надворешни работи на Кина, Јужна Кореја и Јапонија оваа недела ќе се сретнат во Токио, соопшти јужнокорејското Министерство за надворешни работи.
Јужнокорејскиот министер Чо Тае-Јул, кинескиот министер за надворешни работи Ванг Ји и јапонскиот колега Иваја Такеши „ќе разговараат за напредокот на трилатералната соработка“ од претходната трилатерална средба на лидерите на трите земји во мај минатата година.
Покрај тоа, тие ќе ги споделат своите позиции „за идниот развој на трилатералната соработка, како и за регионалните и меѓународните прашања“.
Се очекува министрите да разговараат и за напорите за обезбедување на следниот состанок на тројцата лидери, кој се очекува да се одржи во Јапонија подоцна оваа година, како и општи дискусии за начините за подобрување на соработката во економијата, културата и прашањата поврзани со Корејскиот полуостров.
За време на посетата, министерот Чо планира да оствари билатерални разговори со Иваја и Ванг, додаде Министерството.
Оваа година се очекува Јужна Кореја да биде домаќин на самитот на АПЕК кон крајот на октомври и почетокот на ноември. Домаќин на средбата следната година ќе биде Кина.
Ново на Сител
-
Акциска контрола во Тетово и Гостивар, контролирани 16 угостителски објекти, два се затворени
-
Филип излегол меѓу првите но се вратил да бара другарка по што не се вратил, сведочи неговиот татко
-
Уапсени двајца 18-годишници кои синоќа палеа огномет во парк
-
19-годишниот Јован Костадинов влегол во пожарот и спасил 21 дете, мајка сведочи зa неговото херојство
-
МПЦ - ОА замолува за достоинствено и христијанско однесување на погребите
-
Во Турција протести поради притворањето на градоначалникот на Истанбул
-
Ангелов: Да ги оставиме најблиските за последен пат, во тишина и плач, да си ги видат своите настрадани чеда
-
Тур де Франс 2027 ќе стартува од Велика Британија