Во Турција уапсен прокурдски пратеник
Турската полиција утрово го уапси прокурдскиот пратеник Омер Фарук Гергерлиоглу во просториите на пратеничкиот клуб на неговата партија.
Тој таму протестираше четири ноќи затоа што му беа одземени пратеничкиот статус и имунитетот.
Народната демократска партија соопшти дека Гергерлиоглу е уапсен во Анкара, во пижами и папучи, непосредно пред утринската молитва.
Како што пренесуваат странските агенции, оваа политичка партија е трета по големина во Турција, која веќе неколку години се соочува со притисок од властите. Тие притисоци кулминираа минатата среда, кога главниот турски обвинител одлучи да и забрани да дејствува поради нејзините наводни врски со курдските екстремисти, кои партијата ги негира и ги нарекува „политички удар“.
Само неколку часа пред апсењето на Гергерлиоглу, турскиот Парламент му го одзеде имунитетот поради претходните обвинувања за ширење терористичка пропаганда со објавување информативни линкови на неговиот профил на Твитер.
Покрај тоа, властите го обвинуваат за директно изразување поддршка на основачот на Работничката партија на Курдистан, Абдула Осалан, кој е во затвор од 1999 година.
Работничката партија на Курдистан е прогласена за терористичка организација во Турција.
Ново на Сител
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден