Водата во Скопје безбедна за пиење

Водата во Скопје е безбедна за пиење, покажуваат резултатите од испитувањата направени на 195 примероци земени од 44 мерни места во градот.

-Секторот за санитарна контрола во периодот од 26 до 31мај 2025 година зема 195 примероци за физичко-хемиска и 195 примероци за микробиолошка анализа на вода за пиење од 44 мерни места во Градот Скопје. Вонредно се земени 10 истражни примероци после санација на дефект на 1 јуни 2025 година, се вели во денешното соопштение од ЈП „Водовод и канализација“.

Јавното претпријатие, како што се наведуваат оттаму, со цел подобра информираност на граѓаните на град Скопје, овие податоци ги објавува во неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.