Вучиќ: За мене изборите завршија, ќе има многу важни одлуки на Сесрпскиот собор
Српскиот претседател Александар Вучиќ најави многу важни одлуки на големиот Сесрпски собор, меѓу кои и одлуката за изградба на меморијални центри во Белград и Доња Градина (Јасеновац). Тој рече и дека за него изборите се завршени и додава дека сега треба да работат институциите, јави дописникот на МИА од Белград.
Тој најави дека Србија ќе уплати 10 милиони евра за патот Бјелина-Сремска Рача (БиХ-Србија), за кој веќе се обврза да го изгради.
-Луѓето мислат дека тоа е само средба меѓу Додик и Вучиќ, не – секој министер ќе го прими својот партнер од Република Српска, рече Вучиќ.
„Секој си го пронајде својот партнер кому ќе му помогне и каде ќе види како ќе соработуваат во иднина, изјави Вучиќ.
Тој додаде дека на Сесрпскиот собор ќе има по 1.000 луѓе од Србија и Република Српска од културно-уметнички друштва.
Српскиот претседател рече дека за него изборите се завршени и дека нема време да се занимава со тоа кој ќе формира влада во општина Врачар, Стари Град или на некои други места.
-За мене изборите завршија, работата сега е на државните органи, институции. И на едните и на другите им кажав што мислам и дека треба да се грижат за народот, рече Вучиќ и додаде, нема сила да се справи со тие прашања.
Тој наведе дека во Нов Белград, Врачар и Ниш се прегледувани изборните ливчиња и дека „се е како што е напишано“, односно дека на две избирачки места било констатирано дека грешките биле за по едно ливче.
Ново на Сител
-
Економистот со амбиција да биде лидер на СДСМ | Јован Деспотовски | Неформално | Sitel Podcast 049
-
Викдендов сончево и топло, од вторник повторна дестабилизација на времето
-
Прилепчанец три години ги силувал своите две малолетни ќерки
-
Штипјанец ја претепал својата мајка, па и се заканил, а потоа искршил дел од покуќнината
-
Скопјанец претепан од обезбедувањето на казиното во кое се наоѓал
-
Избувна пожар во куќа во Арачиново
-
Поскапува мазутот
-
Визер: Одложувањата и откажувањата на летовите низ европската авио индустрија последица на временските услови