Зајакнување на мерките за превенција против птичјиот грип во Франција
Ризикот од внесување на вирусот од птичјиот грип во Франција од страна на птиците преселници преминува од „занемарлив“ до „умерен“. Во некои области, одгледувачите на домашни птици се бара треба подобро да ги заштитат своите птици, вакцинацијата е „задолжителна во зоолошките градини“ и забрането е ослободување на дивеч со пердуви.
Министерот за земјоделство на Франција одлучи од понеделник да ги зајакне превентивните мерки во живинарските фарми против вирусот на птичји грип, чиј ризик за внесување во Франција од страна на птиците преселници преминува од „занемарлив“ на „умерен“ .
-Високо патогениот вирус на птичји грип Х5Н8 е откриен на 20 октомври на два лебеди во Холандија“, укажува Министерството во денешното соопштени за јавноста, прецизирајќи дека „овие случаи алармираат на ризикот од внесување во Франција на вирусот во миграционите коридори што моментално ги користат дивите птици “.
Министерот Жулиан Денорманди „повикува на строго почитување на мерките за биосигурност и зголемен надзор од страна на професионалните актери, лица кои чуваат птици и ловци“, се вели во соопштението за печатот.
Превентивните мерки ќе бидат задолжителни од понеделник „во општините лоцирани во области за кои се вели дека се од посебен ризик (ЗРП), како мочуриштата каде што живеат птици преселници“, според истиот извор. Тие се состојат од „ограничување или заштита на живинарски фарми преку мрежа со намалување на надворешните патишта за животните“, „забрана за собирање птици“ на натпревари или изложби на пример, па дури и „транспорт и ослободувања на дивеч со пердуви “и „ употреба на мамци повикувачи “од ловџиите.
Низ целата земја, секојдневниот клинички надзор во комерцијалните фарми е задолжителен и се забрануваат натпреварувања на гулаби писмоносци. Вакцинацијата е „задолжителна во зоолошките градини за птици кои не можат да бидат ограничени или заштитени под мрежите“.
Министерството прецизира дека „до денес, Франција е поштедена од птичји грип“ и дека „потрошувачката на месо, паштета и јајца не претставува никаков ризик за луѓето“.
Вирусот Х5Н1 во 2015-2016 година и Х5Н8 во текот на зимата 2016-2017 десеткуваа милиони патки, заклани за да се забави ширењето на вирусот во неколку оддели на Југо-запад. Оттогаш секторот воспостави батерија на мерки за здравствена безбедност за да се избегнат нови епидемии.
Ново на Сител
-
Дамјан Марковски по враќањето од Острошки Манастир: Моментот кога стигнав таму не се опишува со зборови
-
11 годишното исчезнато девојче од Грција било убиено од нејзиниот вујко кој се обидел да ја силува
-
Наставник во Боговиње натепал ученик кој му бил и син во училишен двор | ВИДЕО
-
Средба на претседателот на Собранието Гаши со италијанскиот амбасадор Силвестри
-
Сиљановска Давкова се обрати на главниот панел на конференцијата за обнова на Украина во Берлин
-
Мицкоски најави нов ветропарк меѓу Карбинци, Штип и Радовиш за производство на електрична енергија
-
Курти: Немаме проблеми со Србите, туку со Србија
-
Словенија изгласа референдум за употреба на марихуана за лична потреба