Заложничка драма во синагога во Тексас, четири лица киднапирани, киднаперот убиен
По шест часа преговори и специјална операција на полицијата, ноќеска заврши заложничката драма во синагогата на Коливил, предградие на Далас, каде едно лице киднапира четири лица.
-Киднаперот кој вчера ги зеде четворица заложници и ги затвори во синагогата е мртов, изјави началникот на локалната полиција Мајкл Милер, откако беше објавено дека сите преостанати заложници се ослободени и неповредени.
„Тимот за ослободување на заложниците ја нападна синагогата и киднаперот е мртов”, изјави Милер на прес-конференција.
„Молитвите ни се ислушани”, напиша Грег Абот на Твитер. „Сите заложници се ослободени, здрави и безбедни”, додаде тој.
Во синагогата имало четворица заложници, од кои едниот бил рабинот. Киднаперот наводно е брат на Пакистанка осудена за тероризам.
Шест часа по почетокот на кризата, прво беше ослободен еден од заложниците.
Полицијата преговараше со киднаперот во Коливил, Тексас, а за цело време заложничката драма се пренесуваше во живо, наведе локалниот весник „Star-Telegram” од Форт Ворт.
Полициското одделение од Колевил, претходно на Твитер јави дека спроведува специјална операција во блокот во кој се наоѓа Конгрегацијата „Бет Израел” и дека сите жители во непосредна близина ќе бидат евакуирани.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка