Зеленски до лидерите во ЕУ: „Војната ќе чини 155 милијарди евра следната година, Ве молам да најдете начин да ја обезбедите таа поддршка“

Украинскиот претседател Володимир Зеленски денеска побара од лидерите на Европската Унија дополнителна поддршка за Украина во наредните години, јави ДПА.

„Војната ќе чини 155 милијарди евра следната година и ни требаат уште најмалку 70 милијарди евра од вас за одбрана, за оружје“, изјави Зеленски на самитот на ЕУ во Брисел.

Ова е „реална сума“, рече тој, додавајќи: „Ве молам да најдете начин да ја обезбедите таа поддршка“.

Минатиот месец, украинскиот министер за финансии Сергеј Марченко рече дека на земјата ѝ недостасуваат 32,6 милијарди долари економска поддршка и 45 милијарди долари за одбрана.

ЕУ лани создаде механизам за поддршка на заеми за Киев во вкупна вредност од 90 милијарди евра за 2026 и 2027 година и ги повикува меѓународните партнери на Украина да ја зголемат својата финансиска помош.

МИА