Зеленски ќе учествува на Минхенската безбедносна конференција
Украинскиот претседател Володимир Зеленски ќе учествува на Минхенската безбедносна конференција (МСЦ) на крајот на оваа недела, соопштија денеска организаторите.
Тие изразија надеж дека форумот ќе биде искористен како „отскочна даска за напредок кон мирот во Украина“.
На дипломатскиот настан кој ќе се одржи од петок до недела ќе учествуваат и претставници на владата на американскиот претседател Доналд Трамп.
-Претпоставуваме дека дискусиите ќе се одржат на маргините на конференцијата, рече претседателот на МКС, Кристоф Хојсген.
Зеленски неодамна објави дека е подготвен за директни преговори со рускиот претседател Владимир Путин и другите лидери за ставање крај на војната во Украина.
Хојсген рече дека ја гледа посетата на американскиот специјален пратеник за Украина, Кит Келог како „показател“ дека конференцијата може да даде можност да се разговара за „контурите“ на мировниот план за Украина.
МКС објави дека на конференцијата ќе учествуваат и американскиот потпретседател Џеј Ди Венс и државниот секретар Марко Рубио.
Во петокот Зеленски рече дека Вашингтон и Киев подготвуваат „состаноци и разговори“, без да наведе датум или локација за нив, откако Трамп претходно спомена дека ќе се сретне со украинскиот претседател.
Од друга страна, „засега ниту една земја не изразила желба руските претставници да дојдат“ во Минхен, нагласи Хојсген. Сепак, поканети се опозициски руски невладини организации кои се активни во Русија или во егзил во странство.
Ново на Сител
-
Обвинители на 22 американски држави ја тужат администрацијата на Трамп поради кратење на научното финансирање
-
Средба на Сиљановска - Давкова со директорката на Комисијата за односи со верските заедници и религиозни групи
-
Андоновски: Ќе се ревидира упатството за постапување на училиштата при хибридни закани
-
Во сообраќајка кај Струга повредени четири лица, од кои тројца се полицајци
-
По апсењето на градоначалникот на Тирана, опозицијата бара оставка на Рама
-
Владата на Србија тврди дека ги исполнила сите барања на студентите
-
За градоначалникот на Тирана, затворски, за сопругата, која е надвор од земјата, куќен притвор
-
Трамп: Палестинците ќе добијат нови домови, но не во Газа