Кошарка
13. October 2015 - 18:44

АБА лига: Втора победа за МЗТ Скопје Аеродром

Кошаркарите на македонскиот првак МЗТ Скопје Аеродром ја постигнаа и втората победа во АБА лигата откако попладнево во рамките на 5.коло ја победија Игокеа со 75:70 (27:13; 21:16; 13:16; 14:25).
Избраниците на тренерот Алеш Пипан до триумфотѕ стигнаа благодарение на одличното прво полувреме кое го добија со 48:29, додека во вториот дел повторно ривалот беше поуспешен, но Игокеа на успеа да направи пресврт како што тоа во претходните две кола го направија Партизан и Мега Лекс.
Кај МЗТ Скопје Дреновац со 14 поени беше најефикасен, но „дабл-дабл“ учинок имаше Љубичиќ со 10 поени и 10 асистенции. Радивојевиќ од Игокеа беше најефикасен со 20 поени.
Од 5.коло од АБА лигата вечерва се игра последниот дуел Партизан – Сутјеска. Следниот натпревар МЗТ Скопје го игра на 18.октомври во недела против екипата на Сутјеска во Никшиќ.
 
фото: www.abaliga.com