Македонија
30. October 2020 - 21:53

Аџибадем Систина: Не сме го информирале Габриел Бајрам дека е негативен на корона-тестот

Од клиничката болница „Аџибадем Систина“ тврдат дека синот на Амди Бајрам, Габриел Бајрам, бил да се тестира во лабораторијата на болницата на 26 октомври и добил позитивен резултат на тестот направен со ПЦР метода.

„Со оглед на тоа што резултатот од молекуларниот тест бил позитивен, освен на лицето, известување за тоа е испратено и до Институтот за јавно здравје што е задолжителна обврска. Во целост ги отфрламе и тврдењата дека нашата болница го информирала лицето дека има негативен резултат на ПЦР молекуларна детекција на вирусот Сарс Ков 2“ , велат од болницата.

Претходно, семејството Бајрамови за „Фокус“ дале изјава дека Габриел Бајрам добил информација од Систина дека е негативен на коронавирусот, за потоа да му кажат дека е позитивен.

Меѓутоа, денеска приватната клиника во целост ги демантира тврдењата на Габриел Бајрам.