Ахмети ги кани албанските лидери на состанок, Влада се уште не е договорена
Лидерот на ДУИ Али Ахмети ги кани на состанок лидерите Африм Гаши – Алтернатива, Билал Касами – Беса, Зијадин Села – АА, Мендух Тачи - ДПА во четврток во скопскиот хотел Парк. Како што се наведува во соопштението на ДУИ, поводот се одржаните парламентарни избори. Состанокот симболично ќе се одржи на годишнината од Рамковниот договор.
Неофицијално средбата ќе биде искористена за обезбедување на поголемо мнозинство во евентуална нова Влада во која ДУИ ќе биде главен албански партнер.
Информацијата дека Ахмети бара средба со албанските лидери стигнува само ден по информациите дека СДСМ и ДУИ се се поблиску до владин договор, а останува само спорно прашањето за премиерското место.
„Во тек се сериозни разговори за обезбедување стабилно парламентарно мнозинство и кадри посветени на остварување на принципите на кои ќе функционира новата Влада. СДСМ ги продолжува сериозните разговори за формирање стабилно парламентарно мнозинство и за владина коалиција со полн, четиригодишен, стабилен мандат. Новото парламентарно мнозинство ќе обезбеди стабилна Влада која движи брзо напред по европскиот пат, Влада посветена на економијата, правдата и борбата со Ковид-19. Влада која ги отвора преговорите за членство со Европската Унија и Влада која со секое ново отворено поглавје од преговорите ќе воведува нови европски стандарди за подобар живот“, велат од СДСМ.
Од ВМРО-ДПМНЕ пак,велат овие изјави на СДСМ треба да се земат со резерва. Тие исто така разговараат за ново парламентанро мнозинство во кое ќе бидат носечка партија.
Ова е втор обид на Ахмети по изборите да се состане со останатите албански лидери. Првиот пат тоа беше повик направен преку неговиот Фејсбук профил. Ахмети повика на утврдување на седнички цели и соработка на сите албански партии што беше поврзано со т.н. Тиранска платформа од 2017 година.
Потоа следуваше сличен обид за соработка и од Бујар Османи кои во 5 точки предложи албанските партии на избори да настапуваат со само две листи со цел како што објаснуваше да не се дели „алабанскиот глас“.
И обидот на Ахмети за средби и обидот на Османи за соработка беше одбиени од Села и Гаши иако вчера од коалицијата Алијанса –Алтернатива најавија влез во влада заедно со ДУИ доколку се реализира ветувањето на Ахмети за премиер Албанец.
Катерина Нешкова
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер