Ахмети – Ќучук: Датум за преговори што е можно поскоро
Претседателот на Демократската инија за интеграција, Али Ахмети денеска имаше средба со бугарскиот европратеник Илхан Ќучук, соопшти прес-службата на партијата.
Европратеникот Ќучук му изрази сочувство на Ахмети во врска со сообраќајната несреќа во Бугарија, притоа потенцирајќи дека властите во Софија во соработка со оние во Скопје се ангажирани за целосно расчистување на случајот.
Ахмети изрази благодарност за брзата и многу ефикасна реакција на бугарските власти.
Лидерот на ДУИ искажа честитки за одржаните избори во Бугарија и изборниот резултат, надевајќи се на што поскоро формирање на институциите.
Спорот со Бугарија и решавањето на овој спор меѓу двете земји беше тема на разговорот меѓу Ахмети и Ќучук, со посебен акцент на постигнувањето договор што е можно поскоро и надминување на овој спор бидејќи патот на Република Македонија кон Европската Унијата е од особена важност, исто како и решавањето на прашањето без никакво одлагање. Двајцата соговорници разговараа и за можноста за одредување датум за првата Меѓувладина конференција во наредните месеци и за почеток на преговорите за членство на почетокот на 2022 година.
– Целиот процес треба да се затвори без одложувања бидејќи ако не се затвори сега, спорот меѓу двете земји ќе се одолговлекува со години и ќе го блокира евроинтегративниот процес на Република Македонија, а од друга страна во голема мера би влијаел на безбедноста на земјата и регионот. Исто така, потребно е и повеќе да се работи за повисок и подобар животен стандард на граѓаните, оценија на средбата Ахмети и Ќучук.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово