Амнести Интернешенел ја обвини Кина за примена на тортура
Организацијата за човекови права Амнести Интернешенел (АИ) ја обвини Кина за „широко распростанетата“ тортура, што ја применува полицијата за да изнуди признание од уапсените.
Извештајот на АИ добиен со интервјуа и разговори на околу 40 кинески адвокати, специјализирани за заштита на човековите права.
Врховниот суд на Кина, во 2013 година забрани примена на тортура, во рамките на усвоените реформи на правосудниот и кривичниот процес, но домашните активисти за човекови права предупредуваат дека тортурата и натаму „широко се применува“.
Официјален Пекинг, засега, не реагира на обвинувањата од АИ.
По сличното обвинување од Хјуман Рајтс Воч (ХРВ) објавено во мај оваа година, кинеското Министерство за надворешни работи реагираше со соопштение, во кое инсистираше дека законодавството на Кина забранува тортура во текот на полициското испитување.
Извештајот на Амнести интернешенел посочува дека уапсените, најчесто се изложени на шлаканици, како и на удари со тупаници, со чевли по телото и со шишиња наполнети со вода.
Овој извештај се појавува на само една недела пред Комисијата против тортурата при ОН, да расправа за извештајот за состојбата со човековите права во Кина.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација