Андонов: Стабилна безбедносната состојба на подрачјето на СВР – Охрид
Безбедносната состојба во рамки на подрачјето што е под контрола на Секторот за внатрешни работи од Охрид е стабилна, активностите се спроведуваат согласно законите и правилата за работа на полицијата, истакна дополнителниот заменик-министер за внатрешни работи Оливер Андонов кој денеска престојуваше во работна посета на СВР – Охрид.
Андонов изрази задоволство од активностите спроведени од страна на службата во Секторот за време на изминатата туристичка сезона, притоа изнесувајќи одредени статистички податоци што ја потврдуваат стабилната безбедносна состојба.
- Изминатата туристичка сезона мина без многу криминални активности и намален број сторени кривични дела. Регистрирано е опаѓање на криминалните активности во Охрид и Струга, бидејќи воглавно поголемиот број сторени кривични дела се извршени од страна на лица што не се резиденти на подрачјето на СВР – Охрид, рече Андонов.
Тој додаде дека за поздравување се и податоците што укажуваат на намалување на бројот на извршени кривични дела, како и со високиот процент од 60 отсто расветлени извршени кривични дела.
Андонов во рамки на посетата на Охрид учествуваше и во работата на Регионалната конференција за превенција и сузбивање компјутерски и финансиски криминал што се одржува во организација на СЕЛЕК – центарот за меѓународна соработка на полициите од 12 држави од Југоистична Европа.
Ново на Сител
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна