Апелациониот суд во Њујорк ја врати забраната против Трамп да коментира за судскиот персонал во постапката
Апелацискиот суд во Њујорк денеска ја врати наредбата со која му забранува на Доналд Трамп да коментира за судскиот персонал во случајот против него за финансиска измама.
Судијата Артур Енгорон, кој постапува во овој случај, ја издаде наредбата на 3 октомври, откако Трамп објави понижувачки коментар на социјалните мрежи за судска службеничка.
Трамп, поранешен американски претседател кој сака повторно да биде републикански кандидат за таа функција, ја обжали одлуката на судијата Енгорон и таа беше привремено суспендирана додека Апелацискиот суд не одлучи по жалбата.
Таа денеска беше одбиена со одлука на четиричлениот совет на Апелацискиот суд, а наредбата е вратена по 15 дена суспензија.
Во спорната објава, Трамп изнел неосновани тврдења во врска со личниот живот на судска службеничка, а ги изнел веќе на вториот ден од судењето, иницирано по обвинението на главната обвинителка на Њујорк, Летиција Џејмс.
По издавањето на наредбата, судијата Енгорон го казни Трамп со 15.000 долари за нејзино прекршување.
Адвокатите на Трамп го тужеа Енгорон за издавање на наредбата против Трамп, врз основа на федералната регулатива на Њујорк која дозволува под одредени услови да ги тужат судиите за одлуките што ги носат.
Ново на Сител
-
Анкета: Криминалот и корупцијата најголем проблем во државата, ВМРО-ДПМНЕ со зголемена доверба споредено со парламентарните избори
-
Во Прилеп приведено лице барано со потерница
-
Најстудено во Берово и Попова Шапка, најмногу дожд во Дебар
-
На автопатот Тетово-Скопје животот го загуби 24 годишен возач од Свети Николе
-
Министерски состанок за Агендата за Западен Балкан за иновации, истражување, образование, култура, млади и спорт
-
Израелската војска соопшти дека извршила „десетици“ нови напади против Хезболах во Либан
-
Парламентарни избори во Австрија
-
Најмалку 100 луѓе го загубија животот во поплавите во Непал, 67 се водат како исчезнати, училиштата се затворени