Свет
24. April 2017 - 12:09

Авганистанскиот министер за одбрана и началникот на ГШ поднесоа оставки

Претседателот на Авганистан Ашраф Гани ги прифати денеска оставките на министерот за одбрана Абдулах Хабиби и началникот на Генерал штабот на воените сили Кадам Ша Шахим, откако повеќе од 140 војници беа убиени во напад на талибанците врз воена база минатата недела, соопшти кабинетот на претседателот. 

- Министерот за одбрана Абдулах Хабиби и началникот на ГШ Кадам Ша Шахим поднесоа оставки, кои веднаш стапуваат во сила, нагласи кабинетот на јавниот налог на Твитер.

Портпаролот на претседателот Ша Хусеин Муртазави изјави дека оставките се поднесени поради нападот врз градот Мазар и Шариф во северниот дел на Авганистан. 

Најмалку 140 припадници на воените сили се убиени, кога десет талибанци облечени како војници со воено возило упаднале во базата и отвориле оган кон војниците.