Бан Ки-мун го осуди насилството на опозицијата во косовското Собрание
Генералниот секретар на Обединетите нации Бан Ки-мун го осуди во својот најнов извештај за Косово насилството на опозициските партии во косовското Собрание и го поздрави постигнувањето на спогодбата во Брисел за формирање на Заедница на општини со мнозинско српско население.
- Ја осудувам употребата на насилство и застрашувањето, кое го користат опозициските партии, а кои го попречуваат нормалното работење на Собранието на Косово, како и недозволивите напади на опозицискитге активисти насочени кон премиерот и членовите на Владата, нагласи Бан во извештајот.
Тој ги повика сите политичари да се воздржат од реторика и дејствувања, кои се некомпатибилни со принципите и нормите на цивилизираното и демократското општество.
- Таквите чекори се на штета на довербата на јавноста во тие институции, како и на имиџот на Косово во светот. Ги повикувам посебно припадниците на опозициските партии одговорно и зрело да ги исполнат своите обврски, со целосно почитување на демократскиот процес и институциите за кои се избрани, нагласи Бан.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак