Бијонсе објави трејлер за мистериозниот проект „Лимонада“
Бијонсе објави кусо видео, кое предизвика недоумица дали таа промовира нова телевизиска серија или само се работи за нов спот.
Засега се знае само дека новиот проект на Бијонсе се вика „Лимонада“.
Во видето набрзина се менуваат сцените како од некој трилер или хорор филм, пропратени со морничави звуци и нејзина нарација.
- Минатото и сегашноста не доведоа тука. Што криеш? Зошто не можеш да ме видиш? Ти си љубовта на мојот живот, вели Бијонсе во трејлерот.
Во некои сцени можеме да ја видиме Бијонсе облечена во беж бунда со плетенки на главата, додека во друга таа изгледа како дух во бела кринолина.
Нејзините танчерки имаат исцртени лица, а во трејлерот се појавува и манекенката Вини Харлоу, поранешната натпреварувачка во шоуто „America's Next Top Model“, која има ретка кожна болест витилиго.
Фотографиите од овој таинствен проект Бијонсе почна да ги објавува уште пред шест месеци, а некои обожаватели сметаат дека станува збор за нов албум, кој ќе биде објавен во форма на филм.
Засега не ни преостанува ништо друго освен да почекаме да дојде сабота, 23 април, кога на Ејч-Би-Оу пејачката позната по изненадување ќе го промовира овој новитет.
Ново на Сител
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште