Бугарскиот амбасадор Ангелов во работна посета на Крива Паланка
Амбасадорот на Република Бугарија во Република Северна Македонија, Ангел Ангелов оствари работна посета на општина Крива Паланка, на која со домаќинот, градоначалникот Борјанчо Мицевски, разговараа за проектот за млади и спорт кој ќе се имплементира во општината со финансиска поддршка од амбасадата.
– Драго ми е што наидов на срдечен прием во Крива Паланка, имаме многу проекти за развивање на спортот што како држава членка на ЕУ сме должни да ги реализираме. Ова е прв проект кој го спроведуваме со општина Крива Паланка, да може да ги насочиме младите на спорт, да спортуваат и да се развиваат, зашто само здрави и умни луѓе можат да ја развиваат средината,изјави Ангелов.
На средбата се разговарало и за претстојниот ултра-маратон кој Република Бугарија ќе го организира во почетокот на мај, кој ќе отпочне во Бургас, ќе се движи низ коридорот 8.
– Ултра маратонот ќе се движи низ трите држави долж коридорот 8, од Бургас, Република Бугарија,преку Северна Македонија до Крива Паланка, која е важна на тој коридор, за кој говориме два века и крајно време е да го изградиме и развиваме, додаде Ангелов.
Градоначалникот Мицевски нагласи дека разговарале за градењето добрососедски односи, добрососедски политики, за сите проекти реализирани со прекуграничната соработка помеѓу двете земји.
– Денеска со амбасадорот извршивме и увид на спортскиот терен каде ќе бидат реализирани активностите со финансиска поддршка од амбасадата на Република Бугарија во висина од околу 73.000 евра.Ќе се изградат: татран атлетска стаза околу фудбалскиот стадион, мини-голф терен и скејтборд парк со цел привлекување на младите на спортските терени и нивно одвлекување од зависностите и пороците, меѓу нив и пороците на денешницата, андроид технологиите, изјави Мицевски.
Задоволство е да се биде дел од добрите меѓусоседски практики, истакна Мицевски, заблагодарувајќи се за поддршката за изградба на спортски содржини.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово