Букурешт бара стационирање на бригада на НАТО во Романија

Романскиот премиер Дачијан Чолош денеска од Министерствата за одбрана и за внатрешни работи побара да изработат план за формирањето на мултинационална поморска и воздухопловна бригада на НАТО, што би била лоцирана во Романија.

Како што јави Аџерпрес, Чолош побарал планот да биде изработен до крајот на август, со цел да се запази крајниот рок за формирање на бригадата - април 2017 година.

На вчерашната седница на романскиот Врховен совет за национална одбрана, претседателот Клаус Јоханис изјави дека најмалку шест сојузници од НАТО пројавиле интерес за учество во бригадата. 

Чолош побара од министерот за надворешни работи Лазар Команеску да воспостави контакт со сите земји кои се подготвени да учествуваат во бригадата.