Бундес лига: Победи на Борусија и Баер
Борусија Дортмунд ја покажа класата уште во првото коло во новата сезона во Бундеслигата. „Милионерите“ го искористија вчерашниот кикс на шампионот Баерн Минхен (Баварците одиграа само 2-2 дома со Херта) за да покажат дека и сезонава се сериозен кандидат за титулата во Германија.
Аугсбург уште во првата минута ја „начна“ Борусија, стрелец Нидерлехер, но тоа беше се што направија гостите на овој дуел. Потоа дури петпати се тресеше нивната мрежа. Веќе во третата минута беше 1-1, се погрижи Алкасер.
Останатите голови беа дело на Санчо, Ројс и повторно Алкасер, а точка на мечот стави Бранд во 82 минута за конечни 5-1.
Баер Леверкузен во ефикасен натпревар успеа „да го најде“ лекот за победа против Падерборн, триумф од 3-2.
Македонскиот фудбалер, Дарко Чурлинов попладнево го имаше своето деби во Бундеслигата, по 4 години еден Македонец се појави во најсилната германска лига. Чурлинов влезе во игра на мечот за неговиот Келн на гостувањето кај Волфсбург. Сепак Келн загуби со 2-1
Фрајбург дома беше супериорен против Мајнц, 3-0, а Вердер во Бремен беше изненаден од Дуизбург, доживеа пораз од 1-3.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми