Loading Video...
Кошарка
22. April 2019 - 16:39
Ц. Звезда и Будуќност вечерва решаваат кој ќе биде првак во АБА лигата
Екипите на Црвена Звезда и Будуќност вечерва го играат решавачкиот меч од финалето во АБА лигата.
Откако црвено-белите ги добија првите две средби пред домашната публика, а црногорскиот тим возврати со победите во Подгорица, вечерва овие две екипи ќе решаваат кој ќе го освои шампионскиот трофеј во АБА лигата.
Освен титулата, влогот е и дополнително поголем имајќи в предвид дека АБА првакот ќе обезбеди пласман за следната сезона во елитната Евролига.
Изминатите четири средби минаа во многу тензии, како на теренот така и на трибините, па се очекува и вечерашната да биде во ист стил.
Дуелот, Црвена Звезда – Будуќност ќе започне од 19 часот.
-
Игор Трпески
Сите содржини од овој новинар
-->
-->