Четири лица загинаа, а 11 се повредени при ракетен напад во Дамаск

Четири лица загинаа, а 11 се повредени при денешната експлозија на Меѓународниот трговски саем што се одржува во Дамаск.

Експлозијата биле предизвикана од рачно изработена ракета која експлодирала на влезот на Саемот.

Ракетата била истрелана од предградието Источна Гута, каде повеќе години се активни бунтовничките групи.

Меѓународниот саем во Дамск беше отворен во четвртокот и е прв од почетокот на граѓанската војна во Сирија, што почна во 2011 година. Според организаторите на Саемот учествуваат претставници од 43 арапски и други држави.