Дачиќ: Околу 900 косовски граѓани војуваат на страната на ИД
Реалната бројка на косовски граѓани, кои се приклучиле кон терористичката групација Исламска држава можби достига и до 900 лица, што е три пати повеќе од официјалните податоци, изјави синоќа на седница на Советот за безбедност на Обединетите нации, српскиот министер за надворешни работи Ивица Дачиќ, повикувајќи се на информација на странските служби за безбедност.
Како што јави ТАСС, според Дачиќ, нестабилната ситуација во Косово дополнително се влошува поради ширењето на екстремизмот и радикалните струи.
Тој изјави дека според податоци од јануари оваа година, околу 300 мажи и 36 жени од Косово се приклучиле кон ИД во Сирија, но според службите за безбедност, нивниот број во пракса е значително поголем.
Дачиќ нагласи дека Косово има најголем процент на граѓани, кои учествуваат во ИД во однос на вкупниот број на населението од која и да е европска земја.
Косовскиот амбасадор во САД, Влора Читаку, која исто така присуствуваше на седицата на Советот за безбедност, посветена на Косово, изјави дека властите во земјата ги вложуваат сите напори за прекин на врбувањето доброволци за ИД и оваа година ниту еден косовски граѓанин не се приклучил кон терористичката организација.
Таа нагласи дека Приштина гледа во ИД закана за целиот регион и затоа е активен партнер на глобалната коалиција против групацијата.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација