Долж автопатот Скопје-Тетово-Гостивар повеќе активности за подобрување на инфраструктурата
Тетовската секција на Јавното претријатие за одржување и заштита на магистрални и регионални патишта (Македонија пат) извршува замена на делови од заштитната ограда како и расчитување на крупната вегетација и смет долж автопатот Скопје-Тетово-Гостивар. На потегот која е под надлежност на секцијата Тетово од Сарај до Жеровојане ќе се промени или санира жица од заштитната ограда во вкупна должина од 6000 метри.
– Досега имаме променето жица од оградата од вкупно 800 метри. Работата на промена или санација ќе продолжи во наредниот период како и во текот на летото се додека не се постави преостанатиот дел. Голем дел од оградата е уништена или оштетена поради кражби и несовесни постапки на поединци кои правеле штета на оградата, како и поради сообраќајни несреќи, изјави Дејан Јовановски од тетовската секција на јавното претријатие.
Паралелно со овие активности периодов се извршува чистење на крупната вегетација и сметот долж автопатот.
-Прво се расчистуваше вегетацијата делот Желино-Тетово, а сега и кон Гостивар. Се работи и на собирање на сметот. За жал за неколку дена повторно има смет бидејќи луѓето не се совесни и фрлаат смет од нивните возила, изјави Јовановски.
Во текот на годината тетовската секција на претријатието ќе учествува и во реконструктивни зафати. Ќе се работи на регионалните патишта Р1206 низ Боговиње, Р2234 потегот Јегуновце-Радуша, кај Орашје и Р1203 Тетово-Јажинце односно на потегот градски стадион-Порој во должина од 1300 метри.
Ново на Сител
-
СДСМ: Мицкоски да го праша Орбан зошто унгарскиот амбасадор гласал за одвојување на Македонија и Албанија
-
Сиљановска Давкова на прием кај Бајден
-
АХВ: По сомнежот на труење со храна во „Ѓорѓија Пулевски“ наредено затворање на кујната
-
Мицкоски: Унгарија е наш стратешки сојузник, продолжува економската соработка помеѓу двете држави
-
ДЗС и Народна Банка потпишаа договор за соработка и размена на податоци
-
Oрбан: Грешка е што преговорите на Северна Македонија со ЕУ се’ уште не се започнати
-
Ученици од ОУ „Ѓорѓија Пулевски“ со симптоми на труење
-
Со возило излетал од пат во Ѓорче Петров, загина 72-годишник