Донација од Шведска за Општата болница во Кочани
Општа болница - Кочани прими донацијата во висина од 280 илјади евра обезбедена со помош на хуманитарната организација „Hand till hand“ и семејството Розенгрен од Стокхолм, Шведска.
- Добивме медицинска опрема, апарати, помагала, болнички кревети и други помошни елементи што ќе ѝ помогнат на болницата да ги подобри условите за лекување на своите пациенти и работата на медицинскиот персонал, соопшти д-р Томе Солевски, хирург во Општа болница-Кочани.
Според Александар Арсовски, координатор на оваа хуманитарна акција, Шведска преку свои организации досега испорачала неколкукратни вакви донации во Источниот регион и ваквата пракса ќе ја продолжи и понатаму.
Донацијата за Општата болница е реализирана со поддршка од градоначалникот на Кочани, Николчо Илијев и од неколку приватни кочански компании што помогнаа да се плати магацинското сместување.
Илијев изрази надеж дека заеднички, со мисла и работа за подобро утре, ќе продолжи хуманата мисија за ревитализација на медицинската установа.
Пред еден месец, за целиот медицински персонал во болницата беа обезбедени униформи, донација вредна 12.000 евра.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората