Државата ќе им плаќа на невработените да учат стари занаети

Невработените ќе имаат можност да изучуваат стари занаети.  Нова мерка за поттикнување  на вработувањето. Оние кои се без работа од денеска можат да се јават на повикот и да учат за,  јорганџии, теслари, оџачари, бочвари, лимари, ковачи. Обуките ќе траат шест месеци.  Лицата кои ќе ги посетуваат ќе добиваат по 6.200. Занаетчиите  кои ќе ги спроведуваат од државата ќе добиваат по 30 илјади денари за секое лице.

На огласот можат да се јават  сите кои се невработени  без разлика на нивната возраст, а се регистрирани во агенцијата за вработување. 

Воведувањето на ваква мерка доаѓа поради се поголемата побарувачка на предмети  од стари занаети, но кадар за нивна  изработка на пазарот нема. Занаетчијата Роберт со државен грант отворил лимарска работилница . Четири години успешно работи и заработува добро. Има потреба од нов кадар,  но веќе подолго време не може да најде.

Оваа мерка за прв пат се воведува годинава со оперативниот план за вработување за 2016 година.