Џез-концерт на „Скопско лето“
Во рамки на „Скопско лето“, вечер од 20.30 часот во Сули ан - Факултет за ликовни уметности концерт ќе одржи интернационалниот ансамбл „Csps jazz ensemble”.
Во него членуваат: Дејв Вилсон од САД (баритон саксофон), Стелиос Цаѕиклеас од Грција (труба) и македонските музичари Кирил Кузманов (алт саксофон), Иван Иванов (тенор саксофон), Бојан Петков (гитара) Кирил Туфекчиевски (контрабас) и Ратко Даутовски (перкусии).
CSPS Ensemble е формација од овие седум џез музичари кои во текот на изминатата година работеа на составувањето на музичкиот проект „ENCOUNTER”.
На вечерашниот концерт премиерно ќе бидат изведени делата: Cygnus Atractus; Mist in the Missed; Keep It To Yourself; Joanica; Got Away; That One; Karma Bura и The Red Barbunya.
- И покрај тоа што станува збор за релативно млади музичари, тие во изминатите години активно работат на своите кариери свирејќи во различни џез-состави, честопати работејќи и на заеднички проекти, за во овој проект да ги спојат своите интересни музички идеи и енергии, создавајќи автентичен модерен џез-материјал кој вклучува претежно авторска музика, но и дела кои досега не биле изведени пред македонската публика. Материјалот исто така е снимен на цеде, во продукција на Ален Хаџи Стефанов и се преговара за негово издавање со издавачки куќи од Европа и САД, соопшти фестивалот „Скопско лето“.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок