Џонсон: Британија смета дека Иран стои зад нападите против Саудиска Арабија
Британскиот премиер Борис Џонсон изјави дека Велика Британија заклучила дека Иран е одговорен за нападите на нафтените постројки во Саудиска Арабија и дека Лондон ќе размисли за учеството во американскиот проект за зајакнување на одбранбените капацитети на ултраконзервативното заливско кралство.
Џонсон, сепак, додаде дека и Велика Британија со сојузниците ќе работи на „деескалација“ на напнатоста на Блискиот исток, која е во пораст откако на 14 септември дронови и ракети го нападнаа нафтеното поле и најголемата светска рафинерија на нафта.
Велика Британија досега никого не обвини за тој напад. Ријад и Вашингтон тврдат дека е одговорен Иран.
Британскиот премиер на новинарите со кои патува во Њујорк на седницата на Генералното собрание на ОН синоќа им изјави дека сега „Велика Британија со голем степен на веројатност го смета Иран за одговорен“.
– Ќе работиме со нашите американски и европски пријатели на одговор што би се обидел да ја деескалира напнатоста во регионот на Заливот, рече Џонсон.
Тој додаде дека ќе разговара и со иранскиот претседател Хасан Рохани.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање