Џонсон: Русија е како Спарта
Британскиот министер за надворешни работи Борис Џонсон ја спореди Русија со Спарта, на што реагираше портпаролката на руското Министерство за надворешни работи Марија Захарова, нагласувајќи дека Русија никогаш не била „милитаристичка земја“, за разлика од европските држави.
Џонсон посочи дека Атина е „пандан на САД и Западот“, а Русија ја спореди со „затворената, злобна, милитаристичка и антидемократска Спарта“. Сепак, Џонсон нагласи дека земјите треба меѓусебно да соработуваат.
- Споредбата не е точна. Не е, бидејќи Русија никогаш не била „милитаристичка земја“, за разлика од европските земји. Суштината во разликата меѓу Атина и Спарта била олигархијата како основна структура на другата. Не мислам дека е можно да се замисли поголема олихархија од Велика Британија, напиша Захарова на нејзиниот Фејсбук профил.
Таа, сепак се согласи со втората изјава на британскиот министер за надворешни работи.
- Војните меѓу Атина и Спарта ја ослабнаа класичната Грција, што го искористиле Персијците и Македонците. Денешните непријателства кои ги создаде и разви Западот, вклучитено и на европскиот континент, без сомнение, ја ослабнаа западната цивилизација и ја изложија на закани, како на пример, Исламската држава, наведе портпаролката на руското Министерство за надворешни работи.
Таа додаде дека игрите на „несериозни историски споредби“, слични на оние на Џонсон, може да го одведат уште подалеку, па еден ден, тој така креативен и извонреден, може да го види во неговата земја, на пример островот Лезбос.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца