Египет: Усвоени уставните измени, Сиси претседател до 2030 година
Изборната комисија на Египет соопшти вечерва дека гласачите на референдумот ги прифатиле уставните измени, кои можат да му овозможат на претседателот Абдел Фатах ал Сиси да остане на таа функција до 2030 година.
Критичарите сметаат дека референдумот е уште еден чекор кон враќање на авторитарното владеење, осум години по продемократскиот бунт.
Претседателот на Изборната комисија, Лашин Ибрахим изјави денеска дека 88,83 отсто од граѓаните гласале за уставните измени, а излезноста била 44,33 проценти.
Референдумот се одржа од 20 до 22 април, со цел да се зголеми излезноста.
Со измените се предвидува продолжување на претседателскиот мандат од четири на шест години, но и посебна измена, која сегашниот мандат на Сиси ќе му го продолжи на шест години и ќе му дозволи учество на изборите во 2024 година.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка