ЕК нуди 80 милиони евра помош за „ЦуреВац“ за развој на вакцина против Ковид-19
Европска комисија понуди 80 милиони евра финансиска поддршка за германската биофармацевтска компанија „ЦуреВац“ за забрзување на развојот и проиизводството на вакцина против новиот коронавирус.
Претседателката на Европска комисија, Урсула фон дер Лајан и еврокомесарката за иновации и истражувања Марија Габриел вчера преку видео-врска разговараа со управата на „ЦуреВац“, а во разговорот учествуваше и потпретседателот на Европска инвестициска банка (ЕИБ), Амброаз Фајол.
Поддршката за германската фирма би била гаранција на ЕУ за заем од ЕИБ.
– Во ова здраствена криза од најголема важност е да ги поддржиме нашите водечки истражувачки технолошки компании. Одлучивме да и обезбедиме на „ЦуреВац“ финансирање потребно за забрзување на развојот и производство на вакцина. Горда сум дека имаме водечки компании како „ЦуреВац“ во ЕУ, посочи фон дер Лајан.
„ЦуреВац“ е формирана во 2000 годинан и разви нова технологија со која е надмината една од најважните препреки за употреба на вакцината – потребата да се одржи стабилна без ладење. Прелиминарните истражувања покажуваат дека таа технологија ветува брз одговор на Ковид-19. Компанијата веќе почна своја програма за развој на вакцина за новиот коронавирус и се проценува дека клиничкото тестирање ќе почне до јуни годинава.
Според германските медиуми, американскиот претседател Доналд Трамп се обидува германските експерти од „ЦуреВац“, кои работат на вакцината против Ковид-19, нудејќи им големи суми пари да ги доведе во САД или да обезбеди ексклузивни права на вакцината.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри