Ердоган: Односите Турција - САД ќе го надминат турбулентниот период
Турскиот претседател Реџеп Тајип Ердоган изјави дека САД и Турција ќе го надминат сегашниот турбулентен период во нивните односи.
- Нашето стратегиско партнерство со САД, кое преживеа многу потешкотии, ќе го преживее и овој турбулентен период, изјави Ердоган на конференција во Њујорк, каде учествува на Генералното собрание на Обединетите нации.
Односите меѓу Турција и САД се нарушени поради американското одбивање да го екстрадираат турскиот проповедник Фетула Ѓулен, кого Анкара го обвинува за организирање на обидот за државен удар во јули 2016 година. САД, пак, бараат Турција да го ослободи американскиот свештеник Ендрју Брансон, кој е обвинет за поврзаност со Ѓулен. Спорот меѓу двете земји придонесе за падот на вредноста на турската валута летово.
Ердоган, сепак, во својот говор го обвини Трамп дека ги користи трговските прашања како политичка алатка за да ги реализира своите цели.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок