Ерменија побара помош од Русија
Премиерот на Ерменија, Никол Пашинијан, му се обрати на претседателот на Русија, Владимир Путин, со барање да започне консултации во која форма и обем Русија би можела да ѝ помогне на Ерменија за обезбедување безбедност, пренесува Спутник.
Ерменското Министерство за одбрана соопшти дека во писмото испратено од Пашинијан до Путин е претставено целокупното толкување на моменталната состојба на терен, како и сите предизвици што ги носи „воената агресија на Азербејџан врз Нагорно Карабах“.
Пашинијан побарал од Путин да почне консултации што е можно поскоро со цел да се утврди обемот на руската помош, заснована на сојузот што постои меѓу Русија и Ерменија.
Неодамна во Женева се одржа состанок на шефовите на дипломатиите на Азербејџан и Ерменија за конфликтот во Нагорно Карабах. Министрите постигнаа договор да не извршуваат напади врз цивилни објекти во зоната на конфликтот, но и да состават список на сите воени заробеници за да може да се изврши нивна размена.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка