Ф1
27. August 2016 - 17:17

Ф-1: Розберг обезбеди пол позиција за ГН на Белгија

Утре на патеката Спа  се вози големата награда на Белгија од шампионатот во Ф-1, трка која може да го направи првенството екстра интересно откако Нико Розберг обезбеди пол позиција  и ќе се обиде да ја искористи казната на клубскиот колега од Мерцедес Луис Хамилтон кој ќе стартува последен. 

Германецот обезбеди  најдобро време на патеката Спа, но покрај него, навистина добар впечаток на денешните квалификации остави младиот Макс Ферстапен кој за малку не стигна до пол позицијата.
 
На третото стартно место утре ќе го видиме Кими Раиконен кој инаку денеска беше најдобар на првите тренинзи, додека од четвртото место ќе стартува неговиот колега од Ферари, Себастијан Фетел.
 
Хамилтон ќе стартува последен поради менувањето на компонентите на неговиот мотор, додека од претпоследното место ќе стартува Фернандо Алонсо кој повторно беше приморан да го менува моторот.