ФФМ: Билети за натпреварот Англија – Македонија можат да се купат до 15-ти јуни
Фудбалската федерација на Македонија (ФФМ) информираше дека навивачите на македонската репрезентација имаат можност до 15 јуни да купат билет за евроквалификацискиот натпревар против Англија на „Олд Трафорд“ во Манчестер.
По воведната победа во квалификациската група Ц над Малта (2-1) на домашен терен, македонските фудбалери овој месец ги очекуваат дуелите против Украина, на 16 јуни во Скопје, и против Англија на гостински терен на 19 јуни.
Билетите за гостувањето на македонската репрезентација во Манчестер, во рамки на квалификациите за ЕУРО2024, се продаваат по цена од 30 и 40 фунти. Билети за лица со попреченост можат да се нарачаат на телефонски број: 0800 093 0824
На навивачите на македонската репрезентација кои се резиденти во Обединето Кралство билетите по купување ќе им бидат доставени до домашна адреса. Останатите навивачи на македонската репрезентација кои ќе купат билет за натпреварот ќе добијат електронски ваучер кој на ден на натпреварот ќе треба да го заменат за физички билет на означена локација во близина на стадионот.
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер