Фолксваген укинува 5.000 работни места
Големата германска фабрика за автомобили Фолксваген најави план за намалување на работните места без да соопшти без точни бројки, но германските медиуми наведуваат дека веројатно ќе бидат укинати 5000 работни места до крајот на 2023 година како дел од намалувањето на трошоците за финансирање на транзицијата кон производство на електрични автомобили.
Фолксваген очекува „деветстотини вработени“ да се одлучат за предвремено пензионирање. Меѓу 2.000 и 4.000 луѓе би ја напуштиле компанијата како дел од постепено прекинување на работниот однос.. Овие откази треба да ги намалат трошоците за групацијата која сака да направи скапа транзиција кон електрични модели, и на долг рок кон автономни возила.
Овој нов план за укинување на работните места доаѓа откако во 2019 година беа укинати 7.000 работни места поврзани со главната марка во групацијата, VW.
Сопственикот на групацијата Фолксваген Херберт Дис не ја крие амбицијата да се доближи до успехот на Тесла, производителот број еден во светот на електричните автомобили.
Својата стратегија во производството на електрични возила тој денеска ќе ја претстави на конференцијата „Power Day“, а експертите ја споредуваат со „Battery day“, голем годишен собир организиран од Илон Маск, сопственикот на Тесла.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај