Францускиот премиер Mануел Валс го поздрави ликвидирањето на Абауд
Францускиот премиер Мануел Валс го поздрави ликвидирањето на исламистот Абделхамид Абауд, за кого се претпоставува дека е организаторот на терористичките напади во Париз, на 13 ноември, пренесоа француските медиуми.
- Абауд, мозокот на овие атентати или поточно еден од мозоците, затоа што за ова прашање треба да бидеме особено претпазливи во искажувањњата, е меѓу убиените во вчерашната акција на полицијата изведена во Сен Дени, рече Валс во францускиот Парламент.
Претходно денеска обвинителот на Париз, Франсоа Моленс, изјави дека телото на Абауд, најдено во куќата, што вчера беше нападната од специјалните полициски сили во Сен Дени, било официјално идентификувано.
Истовремено, тројца полициски претставници изјавија дека жената, која вчера се разнесе со експлозив за време на операцијата во Сен Дени, е братучетка на Абауд, пренесоа американските медиуми.
Хасна Ајтбуласен го активирала коланот со експлозиви, откако претходно разменила неколку збора со полицајците кои го опколиле нејзиниот стан, во кој биле таа и Абауд, раскажуваат полициските извори.
Трупот се уште не е официјално идентификуван затоа што бил многу уништен во ексолозијата и дел од нејзиното тело дури бил пронајден врз полициското возило пред куќата, во која таа се саморазнесе.
Ова е прв случај во Франција жена-самоубиец да се саморазнесе, потсетуваат француските медиуми.
Ново на Сител
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та