Французин ја тужи „Убер“ оти преку неа неговата сопруга дознала дека ја изневерува

Бизнисмен од јужна Франција ја тужи компанијата „Убер“, затоа што преку неа неговата сопруга дознала по која патека тој ќе се движи за да се види со љубовницата. 

Французинот објасни дека еднаш го искористил телефонот на неговата сопруга за да повика возач на „Убер“.

И покрај тоа што бизнисменот се одјавил од својот налог на телефонот на сопругата, апликацијата на „Убер“ продолжила да и испраќа известувања за тоа каде тој се движи, што кај неа поттикнало сомнеж.

По ова тие се разделиле, па сега Французиот бара отштета од компанијата од 45 милиони евра.

- Мојот клиент е жртва на грешка во апликацијата, која му направи големи проблеми во приватниот живот, изјави неговиот адвокат Давид Андре Дармон.