Германија ги спушта тензиите со Кина
Германскиот вицеканцелар и министер за економија Зигмар Габриел, кој се наоѓа во посета на Пекинг, се обиде да ги намали тензиите во односите на Берлин со Кина.
Иако пред заминувањето за Пекинг, тој и други германски претставници упатија остри критики за политиката на Кина, која сака да купува стратешки компании во Германија, но го огранилува инвестирањето во кинески фирми, Габриел сега упати помирливи тонови кон своите домаќини.
Како што јави дописникот на МИА од Берлин, тој од Кина побарал да ги одстрани сите правни пречки при купување на кинески фирми од страна на германски компании, но притоа искажал разбирање дека процесот на отворање на кинескиот пазар за странски инвеститори ќе трае подолго, јавуваат германските медиуми
- Не можеме да очекуваме дека отворениот пазар ќе се случи преку ноќ, изјави Габриел на прес-конференција во градот Шенгду каде Германија е „почесен гостин“ на меѓународен саем.
Германскиот вицеканцелар се надева дека ќе дојде до проширување на германско-кинеските економски односи и ги поздравил зголемените инвестиции на Кина во Германија.
По предупредувањето од страна на америакнските разузнавачки служби, германската Влада пред десетина дена ја запре продажбата на кинески инвеститори на компанијата за индустриски машини „Аикстром“, која според САД, Кина ќе ја користи за воени цели.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност