Живот
16. September 2017 - 9:50

Го одбила вториот состанок со него: Неговата реакција станала хит на интернет!

Една Британка добро ја запознала грдата страна на состанокот на слепо. Преку интернет запознала едно момче, отишла на прв состанок со него и не сакала да се повтори. Неговиот одговор на нејзиното одбивање се проширило на социјалните мрежи.

Нивниот прв состанок траел 45 минути и тоа ѝ било доволно на оваа девојка да сфати дека тој не е тој.

„Мило ми е што се запознавме, навистина си љубезен, но јас сум доста резервирана и сфаќам дека не сме еден за друг и не сакам повеќе да го трошам своето време“,- му одговорила девојката со порака.

Тој инсистирал да излезат на втор состанок, па ѝ се понудил сам да приготви вечера. Нејзиниот одговор и после тоа бил не.

А потоа се случила и неговата порака.

„Со оглед на тоа дека не си фер и дека нема да ни дадеш втора прилика, љубезно те замолувам да ми ги вратиш парите за пијалокот што ти го платив. Износот е 4.5 фунти, а ова е бројот на мојата сметка“, - порачало момчето.

Му возвратила со зборовите дека сега е потполно сигурна дека не сака било каква врска со него. Неговите пораки и понатаму стигале.

„Проверувам дали ми ги префрли парите на моја сметка“, - напишал.

Нивниот разговор го објавил пријателот на оваа девојка, а некои го опишале момчето со овие зборови: „Неславниот Ромео ја уби својата романтика“.