Грција денеска треба да ја добие првата транша од новата програма за помош

На Грција денеска ќе и биде исплатена првата рата од кредитот од Европскиот механизам за стабилност (ЕСМ), откако министрите за финансии на еврозоната вчера ја одобрија програмата за спас на земјата.

Ратата изнесува 13 милијарди долари, од кои околу 12 милијарди ќе бидат ставени на посебна сметка која се користи за отплата на долгот на Грција кон Европската централна банка, Меѓународниот монетарен фонд, и други меѓународни кредитори.

Околу една милијарда евра ќе и бидат дадени на грчката држава, и исто така, меѓу другото, ќе се користи за отплата на долгови.