Груевски: Зачленувањето во ЕУ и НАТО остануваат приоритети
Напорите за членство во ЕУ и НАТО продолжуваат, а предизвик останува и мигрантската криза, како и имплементацијата на Рамковниот договор, порачува премиерот Никола Груевски во новогодишното обраќање.
- Нашите напори Македонија да се зачлени во ЕУ и НАТО, ќе продолжат и во 2016-та, вклучувајки ги и напорите да се изнајде решение, кое ќе овозможи деблокада од нашиот јужен сосед. Мигрантската криза во 2016-та ќе продолжи да биде сериозен предизвик и на неа ќе треба да останеме фокусирани. Односите помеѓу различните етнички заедници и спроведувањето на Охридскиот рамковен договор, исто така, ќе бидат во приоритетите, бидејќи соживотот претставува клучен фактор за нашиот напредок, вели премиерот Груевски.
Тој оценува дека ни претстои напорна и тешка работа во претстојната година која, уверува, ќе доведе до напредок.
- Не чека година кога многу работи ќе станат појасни, а Македонија ќе мора да излезе од заложништвото и да застане гордо и достоинствено на патот кон напредокот. Ќе биде тешко, не велам дека сите проблеми ќе ги решиме, но гарантирам дека ќе работиме повеќе, со цело срце и подобро од кој било друг, ќе одиме напред!, порачува претседателот на Владата Никола Груевски.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање