Gulf Oil: Неизедначувањето на акцизата на екстралесното со дизел горивото е штетна за граѓаните
Злоупотребата на екстралесното гориво станува сериозен проблем во нашата земја и време е да се направат потребните промени во акцизната регулатива за да се спречат штетните последици. Со неизедначување на акцизата на екстралесното со дизел горивото, 90 отсто од вкупниот увоз на екстралесно гориво завршува како погонско гориво, наместо за греење, со што нашите граѓани добиваат неквалитетно гориво што придонесува кон побрза амортизација на нивните возила, 100 пати поголемо загадување и зголемување на шверцот на гориво, соопшти компанијата Gulf Oil.
– Со оваа злоупотреба, не само што се оштетуваат граѓаните и животната околина, туку се оштетува и државниот буџет за огромни суми, кои наместо да се користат за справување со ковид-19 или да се инвестираат во унапредување на нашата земја, завршуваат нелегално во нечии џебови. Дополнително се оштетуваат и дистрибутерските компании кои наместо да го унапредуваат своето работење, се приморани да се справуваат со оваа ситуација на најразлични начини кои одземаат и време и ресурси за работа, а тука е секако и нелојалната конкуренција која се создава благодарение на фактичката состојба.
Изедначувањето на акцизата значи дека оние кои го правеа ова, нема да имаат никаква корист ниту мотивација да продолжат да користат Екстралесно како погонско гориво, а оваа промена дополнително ќе ја зголеми стабилноста на пазарот и ќе го регулира текот на нафтата и нафтените деривати, но придобивките ќе ги почувствуваат и останатите учесници на пазарот.
Апелираме до владата да преземе конкретни мерки и дејствија за да се регулира работењето и конечно да стави крај на неправдата која се прави врз граѓаните на нашата земја, соопшти компанијата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка