Гутереш: Продолжува соработката со САД и покрај повлекувањето од УНЕСКО
Генералниот секретар на ОН, Антонио Гутереш ќе продолжи да соработува со Администрацијата на американскиот претседател Доналд Трамп и покрај несогласувањата, изјави неговиот портпарол Фархан Хаку откако официјален Вашингтон соопшти дека се повлекува од УНЕСКО.
Гутереш „длабоко жали“ поради одлуката на САД, но „во исто време многу продуктивно комуницира со САД во врска со многу прашања и преку многу организации и ќе продлжи да го прави тоа“, изјави Хаку.
- Постојат моменти кога може да се појават несогласувања во врска со ова или она, но генералниот секретар, како што видовте, работи добро со владата на САД, рече Хаку.
Израелскиот премиер Бенјамин Нетанјаху соопшти дека и Израел се подготвува за повлекување од УНЕСКО, неколку часа откако САД објавија слична најава.
Американскиот Стејт департмент вчера соопшти дека САД на 31 декември 2018 година се повлекуваат од УНЕСКО.
- Не беше лесно да се донесе одлуката и таа ја изразува загриженоста на САД поради се поголемите неподмирени обврски во УНЕСКО, потребата за темелна реформа во организацијата и постојаната пристрасност во УНЕСКО насочена против Израел, соопшти Стејт департментот.
Во соопштението, исто така, се наведува дека САД ќе настојуваат „и понатаму да бидат ангажирани како земја со статус на набљудувач и да придонесат со ставовите, перспективите и стручноста на САД“.
Американската Администрација значително го намали буџетот за УНЕСКО во 2011 година во знак на протест против одлуката да им се даде полноправно членство на Палестинците во Организацијата.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено