Хан бара итни реформи во правосудството во Албанија
Европскиот комесарот за соседска политика и проширување Јоханес Хан денеска во Тирана имаше средби со албанскиот државен врв во рамките на состаноците на високо ниво Албанија-ЕУ, јави дописникот на МИА.
На заедничката прес-конференција со албанскиот премиер Еди Рама, Хан изјави дека Албанија под итно треба да спроведе реформа во правосудството.
- За законот за лустрација треба да бидеме јасни дека законодавството треба брзо да се спроведе и тоа на потребниот начин, рече Хан.
Осврнувајќи се на предпристапните преговори на Албанија со ЕУ, Хан нагласи дека засега не е одреден датум за отпочнување на разговорите за членство.
- Мажам да ви ја кажам вистината дека ова беше еден продуктивен дијалог со размена на идеи, не само со премиерот, туку и со претставниците на опозицијата. Имаме една жива дискусија, вака треба да биде со вклучување и на граѓанскиот сектор, но на крај да биде јасно дека европската иднина на Албанија е од национален интерес на земјата, бидејќи станува збор за европска перспектива на земјата, изјави Хан.
Хан денеска во Тирана се сретна и со шефот на државата Бујар Нишани, со министерката за евроитеграции Клајда Ѓоша, како и со лидерот на најголемата опозициска сила, Демократската партија, Љуљзим Баша.
Со присуство и на претставници на опозицијата одржана е и средба во рамките на дијалогот ЕУ-Албанија, на која премиерот Рама изјави дека интеграцијата на земјата е заедничка цел на власта и опозицијата.
Според дел од албанските медиуми, и покрај заедничката средба со власта и опозицијата, Хан не успеал „да го стопи мразот“ меѓу двете страни.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.