Харден го предводеше Хјустон до успех над Лејкерс, Леброн со анти-рекорд
Хјустон Рокетс го направија првиот чекор кон финалето на Западната конференција. Ниската стартна петорка на „ракетите“ одлично се справи со еден од фаворитите за титулата – Лос Анџелес Лејкерс и го победи со 112:97 (29:28, 34:27, 22:24, 27:18), обезбедувајќи водство од 1:0 во полуфиналната серија.
Иако имаа помалку од 48 часа одмор по епскиот седми натпревар против Оклахома во четвртокот наутро, Џејмс Харден и компанијата не им дозволија на големите sвезди на „езерџиите“ – Ентони Дејвис и Леброн Џејмс да го покажат најдоброто од себе. Двајцата комбинираа вкупно 45 поени, но во последната четвртина Џејмс не го запиша своето име меѓу стрелците (шут 0/3), а Дејвис постигна само 6 поени. Ова е трет случај во кој „кралот“ не успеа да постигне ниту еден поен во последната четвртина со најмалку 9 минути игра во неа – претходните беа во дуелот бр.4 против Далас во 2011 година и мечот бр.3 против Бостон во 2017 година.
Триото Харден- Вестбрук- Гордон го отежна животот на тимот предводен од Френк Вогел. Тие постигнаа 83 поени од вкупно 112 на нивниот тим, и беа главната причина „ракетите“ да го задржат водството во последната четвртина.
Харден заврши со најмногу – 36 поени + 5 асистенции, Вестбрук постигна 24 поени, зеде 9 скока и оствари 6 асистенции, Гордон додаде 23 поени, а резервната Остин Риверс помогна со 10 поени.
За Лејкерси, Ентони Дејвис забележа „дабл-дабл“ – 25 поени и 14 скока, Леброн заврши со 20 поени, 8 скока и 7 асистенции, Алекс Карузо беше корисен со 14 поени од клупата за 16 минути, а Дени Грин додаде 10 поени.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.