Хрватската демократска заедница убедливо води на парламентарните избори во Хрватска
Според првите излезни анкети, Хрватската демократска заедница (ХДЗ) убедливо води на штотуку завршеното гласање на парламентарните избори во Хрватска.
Изборачките места беа затворени во 19 часот и се очекуваат првичните резултати.
Резултатите на освоени гласови кои се појавија веднаш по затворањето на гласачките места, проектираат 61 мандат за ХДЗ, по што следува коалицијата Рестарт што ја предводи СДП со 44 места и Домовински покрет со 16 парламентарни места.
„Можеме“ (лево-зелена коалиција) и Мост (независни листи) освојуваат по 8 места, а партијата Странка со име и презиме – Паметно-Фокус, три места.
За формирање влада, потребно е парламентарно мнозинство од 76 пратеници од вкупно 151 пратеник. Од нив 140 се бираат во десетте изборни единици во земјата, три се бираат во дијаспората (ИЕ 11) и 8 пратеници во Саборот ги бираат припадниците на националните малцинства во земјата (ИЕ 12).
Медиумите во Хрватска оценуваат дека се работи за моќна победа на партијата на Андреј Пленковиќ, што делумно се должи на како што велат слабото лидерство на опозициската СДП на чие чело е Давор Бернардиќ.
Излезните анакети на минатите избори во 2016 година не ги погодија крајните резултати за 5 парламентарни места.
Редовните парламентарни избори во Хрватска требаше да се одржат во декември годинава, но епидемиолошката состојба поради коронавирусот влијаеше на поинаквата одлука и на избори да се излезе неколку месеци порано.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп