Свет
21. April 2016 - 17:24

ИД егзекутира 250 жени затоа што одбиле „сексуален џихад“

Припадници на таканаречената Исламска држава убиле 250 жени во Мосул затоа што одбиле да станат сексуални робинки на групата „сексуален џихад“.

На жените им било наредено да стапат во „привремени бракови“ со борците во северен Ирак, каде е упориштето на оваа терористичка група, јави британски „Дејли мејл“.

Кога тоа одбиле, припадниците на ИД ги заклале заедно со нивните семејства, изјави официјален претставник на Демократската партија на Курдистан.

Уште едно официјално лице од Патриотската унија на Курдистан објасни дека на жените им е забрането да бидат сами во Мосул и дека мораат да бидат целосно покриени во јавноста.

- На жените им се забранува и да изберат за кого ќе се омажат, рече Каиас Сурхи за „Дејли мејл“.

Мосул е под контрола на екстремистите од 2014 година.