Македонија
31. December 2019 - 19:07

Илина Арсова е прва Македонка што ги искачи сите седум највисоки врвови на седумте континенти

Илина Арсова утрото на 28 декември го искачи врвот Винсон на 4892 метри на Антарктикот во рамки на проектот на Федерацијата за планинарство на Македонија и Агенцијата за млади и спорт и со тоа го комплетираше проектот Седумте врвови.

Како што соопшти Федерацијата за планинарство, со искачувањето на овој врв Илина стана првата Македонка која успеа да ги искачи сите седум највисоки врвови на седумте континенти и ја вброи Република Македонија со свој женски претставник во светскиот планинарски предизвик 7 summits.

Планината Винсон на Јужниот пол е екстремно студена, но при искачувањето на тимот заедно со Илина имале одлични услови, ладно, но без ветер се вели во соопштението.